អគ្គនាយក ​នៅ​ La​ Liga​ លោក​ Javier​ Tebas​ បាន​សារភាព​ថា​ គាត់​ជា​អ្នកគាំទ្រ​របស់​ក្លឹ​ប​ Real​ Madrid​ ជា​យូរ​មក​ហើយ​ ពេល​នេះ​គាត់​កំពុង​តែ​រង់ចាំ​ទស្សនាការ​ប្រកួត​ Clasico​ រវាង​ក្លឹ​ប​ Real​ Madrid​ ជាមួយ​ Barcelona​ នៅ​ចុង​ស​ប្តា​ហ៍​នេះ​។​​

លោក​ Tebas​ និយាយ​ថា​ ប្រសិនបើ​ខ្ញុំ​និយាយ​ថា​ ខ្ញុំ​មិនមែន​ជា​អ្នកគាំទ្រ​ក្លឹ​ប​ Real​ Madrid​ នោះ​ទេ​ ខ្ញុំ​ពិតជា​ឈឺចាប់​ដែល​និយាយ​កុហក​ខ្លួនឯង​ និង​អ្នក​រាល់គ្នា​។​ ហើយ​ពិត​ណាស់​ ខ្ញុំ​មិន​ចូល​ចិត្ត​ឱ្យ​គេ​ហៅ​ថា​ជា​មនុស្ស​កុហក​នោះ​ទេ​។​ ស្រ​ម៉ៃ​មើល​ថា​ ប្រសិនបើ​ខ្ញុំ​និយាយ​ថា​ ខ្ញុំ​ស្រឡាញ់​គ្រប់​ក្លឹ​ប​ទាំង​អស់នោះ​ វា​មិន​ពិត​ទេ​។​ ខ្ញុំ​គាំទ្រ​ក្លឹ​ប​ Real​ Madrid​ តាំងពី​ខ្ញុំ​នៅ​ក្មេង​ ជា​ពិសេស​ខ្ញុំ​បាន​ជប់លៀង​ជ័យ​ជំនះ​របស់​ Real​ Madrid​ នៅ​ក្នុង​បារ​ជាមួយនឹង​មិត្តភក្តិ​របស់ខ្ញុំ​ទៀត​ផង​។​​  

​ការ​ប្រកួត​នៅ​ថ្ងៃ​សៅរ៍​ខាង​មុខ​នេះ​ពិតជា​ល្អមើល​ជាក់​ជា​មិន​ខាន ​ព្រោះ​មាន​វត្តមាន​របស់​ខ្សែប្រយុទ្ធ​ Lionel​ Messi​ ដែល​អវត្តមាន​តាំងពី​ខែកញ្ញា​មក​ម្ល៉េះ​ដោយសារ​តែ​រង​របួស​ជង្គង់​ ហើយ​ពេល​នេះ​ Messi​ បាន​ចូល​មក​ហ្វឹកហាត់​វិញ​ហើយ​។​ គ្រូបង្វឹក​ Luis​ Enrique​ នៅ​មិន​ទាន់​ដឹង​ច្បាស់​ថា​ តើ​ត្រូវ​ដាក់​ខ្សែប្រយុទ្ធ​នេះ​លេង​ពេញ​ម៉ោង​ ឬ​យ៉ាងណា​នោះ​ទេ​៕

​ប្រភព​៖​ mirror , sportkh